而家越嚟越多人喺Youtube拍片，講科技嘅、講政治講旅遊講咩內容都有，但係有時真係覺得睇片有啲攰。咁如果唔洗晒精神去睇，仲要喺坐車呀、沖涼呀、扮工呀，呢啲時間淨係需要聽，會唔會比較適合大家呢？最近下載咗Apple Podcast同Spotify落嚟，喺入面搵吓Poadcast聽，覺得幾啱自己Kill Time，所以介紹畀大家。
咩係Podcast？
Podcast其實發展咗好耐，大家可以當係以前嘅網台、電台咁，只係Podcast嘅節目唔需要特登聽Live，而係透過唔同嘅渠道去串流/下載聽番段錄音，所以同串流聽歌或者下載mp3一樣道理，只係內容唔同咁解。其實部份本地Youtuber喺Patreon度上傳會員專用內容，而啲錄音都算係Podcast嘅一種。
點聽Podcast？
呢度會推介番大家用幾款比較主流嘅Podcast App，包括Spotify、Apple Podcast同Google Podcast。咁唔同App入面內容會唔會有唔同呢？答案係可以一樣又可以唔一樣。
下載 Spotify
下載 Apple Podcast
原因係唔同嘅Podcast內容創作者都可以選擇將內容放上唔同平台，例如黃毓民同梁錦祥創辦嘅網台MyRadio就有將內容放上Apple Podcast，白兵最近就有將Podcast放上Apple Podcast同Spotify咁。
↓撳個廣告可以支持大兄台繼續寫作↓
咁如果你只係用Spotify，咁可以點做呢？一係你將多個App，一係就要搵到佢哋嘅Podcast Feeds，將條Link放入你個Podcast App度睇下食唔食到咁。
有冇咩Podcast推介？
Spotify Link: 閒置中
閒置中係由本土研究社嘅Podcast，研究員會分享香港唔同嘅城市發展問題，內容畀到機會大家認識多啲平時唔知嘅議題，佢哋嘅研究就睇得多，而家可以聽吓佢哋真人分享自身研究經驗都好值得大家聽。
Apple Podcast Link: MyRadio.hk
↓撳個廣告可以支持大兄台繼續寫作↓
MyRadioHK係黃毓民同梁錦祥好耐之前創辦嘅網台，佢哋會將唔同嘅節目內容放上Podcast，由時事分析、音樂、科學、歷史等都可以聽。
Apple Podcast Link: 一分鐘閱讀
李怡先生嘅一分鐘閱讀短短嘅節目，可以畀大家知道書嘅精要內容，擴闊知識。而Apple Podcast入面有好多香港電台嘅Podcast，大定可以搵吓。而香港電台自己都有個Podcast App叫：RTHK GO
Apple Podcast Link: WaveForm
↓撳個廣告可以支持大兄台繼續寫作↓
外國Youtuber Marques Brownlee (MKBHD)嘅Podcast，分享一啲科技消息同評論，仲有同唔同科技公司CEO嘅訪談。
Apple Podcast Link: Android Central
外國科技媒體Android Central 嘅Podcast，分享吓唔同嘅科技新聞同評論。
Podcast世界都仲有好多唔同嘅內容可以畀大家發掘，希望大家搵到自己鍾意嘅Podcast！