有時大家過到嚟大埔踩單車又好，行街又好，想搵一間黃店食嘢唔算難，因為幾乎行幾步就有間黃店係隔離。今次同大家介紹嘅老虎岩(第6座)潮式粉麵咖啡，附近正正有得租單車，所以大家租車前或者還車後都可以嚟支持一下。小店入面店員唔多，大家落單等位請畀多少少耐性。食物方面，除咗有出名嘅手打燒賣之外，仲有芫茜燒賣，另外呢度仲有人氣都好高嘅沙茶牛肉麵同牛腩芝士蛋治，記得下次嚟大埔要試吓呀！
唔好唔記得香港仲有一間超黃嘅共享單車：Loco Bike
大埔其他黃店介紹：共度一燒-串燒店 Blue House-日式西餐 船皇-泰式船麵
老虎岩：小食醫肚冇難度
今次試咗幾樣嘢，包括：沙茶安格斯牛肉麵、牛腩芝士蛋治配蒸燒賣(全日餐)、芫茜燒賣、炸燒賣。一次過食晒3款燒賣，手打燒賣拎去炸，口感同出面食到嘅炸燒賣完全唔同。而沙茶安格斯牛肉麵用上安格斯牛，口感同平時茶餐廳食到嘅牛冧肉口感都好唔同，個沙茶味都好香。全日餐份牛腩芝士蛋治都相當出色，用上牛腩比起其他餐廳嘅蛋牛治用上罐頭鹹牛肉，口感同味道都完全係另一級，而烘底嘅多士永遠都吸引過普通包嘅。呢度仲有其他飯麵餐，所以大家想食飽啲，或者嚟食少少嘢都冇問題。
↓撳個廣告可以支持大兄台繼續寫作↓
老虎岩：沙茶安格斯牛肉麵 
老虎岩：沙茶安格斯牛肉麵 
老虎岩：牛腩芝士蛋治配燒賣 
老虎岩：牛腩芝士蛋治配燒賣 
老虎岩：芫茜燒賣 
老虎岩：炸燒賣 
老虎岩：奶茶 
老虎岩：可樂 
老虎岩：推介餐牌 
老虎岩：全日餐 
老虎岩：餐牌 
老虎岩：餐牌 
老虎岩：餐牌 
老虎岩：餐廳外