入得大商場都預咗少黃店，點知將軍澳中心+PopCorn+將軍澳廣場3個咁大個商場連值得行嘅鋪頭都少之有少，而餐廳方面都當然唔多啦，今次食嘅大茶飯係其中一間黃店，佢主要係食台灣菜，見到晚市2人套餐都係港幣$208，唔貴喎！所以一支公就行咗入去食佢個台式火鍋(同上一句完全冇關係)，價錢唔算平，味道亦都有進步空間。果然要做好火鍋，除咗個爐之外，個湯底都緊要！
大茶飯：湯底需要改進
今次叫咗個蕃茄湯底火鍋，湯入面有支竹、蕃茄、白蘿蔔，其他配料係豬肉、烏冬、金菇、冬菇、秀珍菇、木耳、蜂巢豆腐，而我就加咗一份$14嘅A菜。首先湯底冇咩蕃茄味…果然蕃茄師兄個湯底唔簡單。其他配料味道都正常水平，而份A菜比想像中抵食，估唔到咁大份！另外，我仲叫咗一杯形珠奶茶，味道都OK！
大茶飯：份量都好足 
大茶飯：另一個角度 
大茶飯：豬肉雪得太勁，要成塊放入湯 
大茶飯：豬肉下面係其他配料 
大茶飯：用呢啲酒精爐火力都係普通 
大茶飯：有生蒜有炸蒜有辣椒就係冇蔥！ 
大茶飯：珍珠奶茶 
大茶飯：1個人食咗$172真係唔算平但係真係好飽
