屯門本來都有幾間食Burger嘅黃店，但係開多間喺屋企附近點都好啲啦啱唔啱？鬍鬚仔喺友愛邨同安定邨中間嘅愛定商場，就算住市中心/置樂嘅朋友過嚟都好方便。小店鋪面都唔算細，坐滿人都有20個人㗎。而Burger方面全部即叫即做，款式又夠多，份量都好足，可以睇番文章入面嘅相片，想一口咬晒個包真係唔易，仲可能因為太多餡而食到倒瀉籮蟹咁，不過味道係唔錯嘅，下面食咗幾款最推薦係墨西哥脆辣雞堡同四式芝士牛堡，幾有特色。
其他漢堡包店推介：威威美食 (屯門) 嘉寶漢堡 (尖沙咀) 轉角見 (荃灣)
鬍鬚仔：足料burger抵食
講番啲漢堡包先，鬍鬚仔足足有12款唔同口味嘅Burger，大家有興趣可以去佢哋Facebook睇Menu，價錢由$30-50不等，加埋汽水同小食最貴都係加$22，以份量咁足嘅Burger嚟講真係唔錯。如果唔鍾意食牛嘅朋友更加可以試下佢哋幾款冇牛漢堡：照燒玉子雞堡、黑松露大啡菇堡、夏威夷堡。整體嚟講味道都係唔錯，唯一有意見係幾款漢堡食落都會太油，同埋太軟身。
左：組典牛堡 ($38) 右：墨西哥脆辣雞堡 ($39) 
組典牛堡 ($38) + 薯仔汽水 ($18) 
組典牛堡 ($38) + 薯仔汽水 ($18) 
四式芝士牛堡 ($48) + 洋蔥圈汽水 ($18) 
四式芝士牛堡 ($48) + 洋蔥圈汽水 ($18) 
