屯門牛每日番工放工咁辛苦，放假好應該畀自己放空一下，行入去屯門碼頭搵間cafe坐半日，其實真係幾relax！今日介紹嘅呢間Cafe：Fantasy Coffee 最近裝修過，租埋隔離鋪位打通咗，cafe嘅店面足足大咗一倍，座位又多咗，坐得又舒服鬆動咗，連cake嘅選擇都多咗！另外講個秘密畀大家知，呢度除咗咖啡之外，其實仲有好多唔同類型嘅嘢飲，仲要拎咗酒牌㗎！所以有啲茶、沙冰或者mocktail可以揀！
一杯咖啡可以慢活幾分鐘
嘆一杯咖啡，你可以坐低就咁飲，又可以帶部電腦落去涼住冷氣咁hea一個晏晝。或者你可以買一杯外賣咖啡，拎出去海邊聽住浪聲咁飲都得，不過而家30幾度c嘅天氣，建議都係留喺cafe入面好啲。
其他屯門嘅cafe黃店：
↓撳個廣告可以支持大兄台繼續寫作↓
Fantasy Coffee: 咖啡之外仲有好多選擇
最近天氣都真係幾熱，如果唔想飲杯熱咖啡，叫番杯沙冰慢慢飲真係超爽，一路飲一路都有啲頭皮發麻嘅感覺。比起飲咖啡係另一種享受。
如果嫌淨係飲嘢太寡，cafe都有幾款cake可以試下！味道都唔錯！
影低咗menu嘅少少部份分享畀大家睇下，除咗普通嘅咖啡，都有唔同嘅特色Latte、水果味疏打。
另外又有幾款用法式壓壺沖嘅咖啡，有唔同嘅沙冰、奶昔。就算唔飲咖啡嘅朋友都可以喺度搵到一杯啱自己口味嘅嘢飲！
