繼上次同大家食過牧羊少年咖啡館嘅泰式辣椒膏炒意粉之後，就好想搵到一間都有呢種東南亞風味嘅意粉，所以就襯住嚟到旺角去試另一間黃店：Black Coffee。喺鋪頭外面排隊嘅時候，可以望到餐廳天花板嗰一張好大嘅黑旗。而食物方面，今次總共叫咗兩份意粉同一件Tiramisu。意粉雖然冇牧羊嗰份咁驚艷，但係今次兩份意粉味道都唔錯。最後嘅甜品成為今次最後畫龍點睛嘅重要部份。
泰色雞肉意粉 (不負責翻譯)
泰色雞肉意粉 
泰色雞肉意粉
其實餐牌都係寫英文，所以菜色名Raven親自翻譯一下。呢份泰色雞肉意粉係有少少青咖哩嘅味道，味道都吸引，不過略嫌意粉煮得唔夠乾身，仲有少少汁喺底，口感上有少少失望。
黑蒜大蝦炒意粉 (不負責翻譯)
黑蒜大蝦炒意粉 
黑蒜大蝦炒意粉
呢份黑蒜大蝦炒意粉味道都好香，食落黑蒜味都夠濃。加埋唔少洋蔥碎令到食嘅時候，除咗口感增加，連味道都會更加香。比起上面提到嘅泰色雞肉意粉更加值得推薦。但係如果要推介，Raven都係會推介牧羊少年。
Dirty Tiramisu
Dirty Tiramisu 
Dirty Tiramisu
今次嚟Black Coffee冇試到咖啡，但係試咗佢個Dirty Tiramisu覺得味道同口感都唔錯。個Tiramisu有淡淡冧酒甜味，加埋朱古力醬同威化餅底，好啱中和濃味嘅意粉。下次再嚟可以淨係食甜品加飲杯咖啡。
Black Coffee 店面
餐廳地方唔算真係好細，都坐到唔少枱，仲有吧枱同梳化位，整體裝修以黑白為主，加入同樣係黑白嘅雲右紋吧枱，整體設計風格相當一致，記得等食物嘅時候可以抬一抬起頭，記得唔錯放棄！
