荃灣路德圍一直都有唔少小店吸引好多人嚟覓食，不過呢幾年都有唔少轉變，其中一個變化就係轉角位嘅BEANS結業，由觀塘起家嘅Coffee Slave接手新舖位。講起Coffee Slave 啡奴，如果有幫襯過觀塘舖，相信對佢哋嘅出品都有一定信心。上手BEANS嘅裝潢配上荃灣街景，舒服程度拍得住有超大樓面嘅觀塘店呀~唔想塞爆駿業里嘅朋友，可以嚟荃灣Coffee Slave試吓~
Follow 啡奴嘅IG ； 佢哋仲有Online Shop賣咖啡豆
荃灣Coffee Slave 嘅食物唔錯
上星期打完8號波，收工同女朋友過嚟荃灣幫襯Coffee Slave 啡奴，總共叫咗2個主菜、2杯咖啡同一份小食。每份主菜都有跟一個湯，當晚我哋飲嘅粟米湯 (手震唔upload了…)，係有好多粟米蓉嘅口感，個湯熱辣辣咁飲正！
香煎封門柳伴大啡菇鮮淮山配意大利甜醋汁($158)
首先，呢份封門牛柳嘅賣相好靚，牛肉口感都好軟熟，牛味都唔錯，配埋個甜醋汁好味又開胃，不過牛嘅份量比較少，有啲可惜；而淮山口感都好爽脆，應該都要做啲功夫先可以做到；最底下嘅大啡菇夠厚身，口感都幾好。
鍾意食封門柳嘅朋友可以睇埋：荃灣黃店: hōmu by favilla-色香味十足嘅日式cafe
咖啡漬物帶子沙律配慢煮雞胸 ($85)
而呢份慢煮雞胸比想像中肉質比較乾身，初時會以為慢煮會保持到啲水份，食落唔會好乾身好硬，可能用雞柳就可以做得Juicy啲；另外咖啡漬物帶子味道幾得意，不過唔算好突出。
炸薯條 ($38)
呢份炸薯條相當驚艷！以我同女朋友小朋友咁嘅食物喜好，呢份啱啱炸起、熱辣辣嘅薯條真係好好食，加上呢個粗度嘅薯條真係有好多薯仔蓉。
荃灣Coffee Slave 嘅咖啡都正
薑味唔算好重，不過整體好平衡，值得一試！
超多紅豆，用粗飲管飲特別爽！
荃灣啡奴嘅餐牌
上面嘅餐牌畀大家參考下，入座嘅時候店員會畀個QR-Code大家Scan入個網度落單。
荃灣啡奴嘅外觀&店面
荃灣Coffee Slave 啡奴嘅地址
鍾意去環境靚嘅cafe嗽杯咖啡可以睇埋：
尖沙咀黃店: REACTION Coffee Roasters-必試好味多士
