今次為大家介紹第三間長洲嘅黃店係島中坊研，有一樣值得同大家分享下，佢哋唔只係cafe嚟，佢哋有一班設計師，會將產品放去長洲東灣嗰度嘅分店賣，有唔少衫褲袋，而餐廳同鋪頭都有消費儲印仔，可以去餐廳免費升級飲品或者換焦糖布丁，大家可以留意一下。而講番餐廳呢，啲食物雖然睇落簡單，但係味道其實真係唔錯，而且設計師得閒會整下蛋糕，如果遇著佢哋整咗特別嘅cake記得要試下！
島中坊研網店連結：Link
長洲其他黃店推介：
長洲黃店：慢活瞬間長洲粒粒雪糕 – 食物全部即叫即煮仲有粒粒雪糕食
島中坊研：看似簡單食落就知好味
呢度嘅食物種類唔算多，大概可以分番奄列套餐、牛角包/法包套餐、沙律套餐、飛碟套餐、All Day Breakfast、自家製比利時列日窩夫、甜品拼盤。而上面呢份奄列餐有好大件嘅奄列，配料揀咗芝士咸牛肉，仲有兩塊塗滿煉奶嘅多士，份量都好足，而大部份套餐都可以加錢配多個出前一丁/通心粉/珍珠白飯/沙律。
另外我哋仲叫咗飛碟套餐，講真而家真係越嚟越少地方食到飛碟。
因為一開始以為好肚餓，就加錢叫多碗出前一丁，點知食完先發覺太飽，冇得再叫多件蛋糕食…失策呀！
島中坊研: 記得要試糖漬水果梳打
店員自己做嘅糖漬水果梳打有幾個口味，配番泰國大象牌梳打夠晒氣，如果飲飲下唔夠甜，可以問店員幫你加多啲糖漬水果㗎！
雖然望落去食物真係唔多款，但係值得大家嚟試下！小店細細，室內座位唔多，但唔怕熱嘅朋友可以試下坐出去室外嘅座位，每張枱都有大大把風扇吹住㗎！
