第5間要分享畀大家嘅長洲黃店小店係長洲角酪，講起對上一次去長洲，其實就係佢哋試業嗰陣，原來咁就兩年喇！但係幫襯嘅人真係越嚟越多，乳酪仍然都係咁好飲，而且仲有啲茶/梳打做底嘅乳酪飲品。如果你係長洲居民，成日都會去幫襯嘅話，仲可以搵小店幫你keep住隻杯。而且入面都有唔少黃店寄賣，等緊嘢飲不妨睇下有冇嘢啱買。另外都可以follow佢哋Facebook，有啲新update可以隨時知。
其他長洲黃店推介
長洲黃店：慢活瞬間長洲粒粒雪糕 – 食物全部即叫即煮仲有粒粒雪糕食
長洲角酪：嚟飲番杯先叫嚟咗長洲
嚟過就知道長洲角酪有一個打卡位，用紙皮石貼咗一個長洲站嘅牆，一個同黨鐵完全冇關係嘅長洲站。
其實一路都唔知嘢飲有冇得半糖或者少糖。
小店有一面牆放咗好多寄賣，有唔少都係黃店嚟。而左手邊見到好多杯就係啲熟客寄存個杯。
除咗飲嘢，而家仲可以坐低叫個瑞士卷食，唔知好唔好味呢？
