長洲黃店:Heima Heima – 日系cafe寧靜舒服

R0004496

講起長洲除咗大魚蛋同芒果糯米糍之外,唔知大家有冇搵過仲有咩地道啲嘅小店呢?今次會一連幾篇同大家分享下喺長洲嘅黃店小店,下次入長洲記得去呀!第一間同大家分享嘅係位於長洲西灣嘅一間cafe:Heima Heima。可能因為地理位置嘅優勢,呢度人流會比較少,但如果公眾假期可能都迫爆人唔出奇。但係西灣店鋪唔多,以前吸引人過嚟嘅原因好可能係張保仔洞就喺度,另外而家仲有個glamping地點。 cafe嘅環境好舒服,入到嚟會令人覺得完全唔似係長洲,間中會聽到沖咖啡嘅聲同店入面播嘅音樂聲,叫一杯咖啡同一件cake就可以好好放鬆下,呢樣先係大家放假最應該做嘅嘢!

↓撳個廣告可以支持大兄台繼續寫作↓

長洲其他黃店推介:

長洲黃店:陳通記 – 沙爹牛肉花生味超濃郁

長洲黃店:島中坊研 – 必點奄列餐飛碟餐

長洲黃店:慢活瞬間長洲粒粒雪糕 – 食物全部即叫即煮仲有粒粒雪糕食

長洲黃店:長洲角酪 – 飲乳酪之餘可以幫襯寄賣黃店

Heima Heima:為咗件cake都一定要嚟

Heima Heima:蜜糖無花果紅茶卷蛋
Heima Heima:蜜糖無花果紅茶卷蛋

呢度嘅蛋糕同瑞士卷都做得好靚,大家可以去Heima Heima Facebook睇下佢哋有咩款,唔怕去到唔知揀咩好!今次叫咗一件蜜糖無花果紅茶卷蛋,味道都唔錯,有好大粒嘅無花果,整體都好清新,連個cream都唔錯!

Heima Heima: 凍 Americano
Heima Heima: 凍 Americano
Heima Heima: 綠茶Latte
Heima Heima: 綠茶Latte

呢度嘅咖啡都係店主逐杯親手沖,亦都有唔少款式可以揀,有凍有熱,又有傳統咖啡亦有特飲可以揀。想去到長洲都可以放空,就過嚟聽住小店播嘅歌,望出窗,涼住冷氣咁放空一下。

第一次嚟長洲西灣就係為咗Heima Heima

長洲西灣 - Heima Heima
長洲西灣 – Heima Heima
長洲西灣 - Heima Heima
長洲西灣 – Heima Heima

其實都已經嚟過長洲幾次,西灣反而真係第一次嚟,雖然張保仔洞就係喺西灣,就係上面張圖最右手個位置,但係一路以嚟都冇打算過嚟… 但係今次由碼頭行過嚟西灣,就係為咗去支持黃店小店。行路過嚟20分鐘唔洗就到,如果唔想行過嚟,其實係碼頭都有街渡會載遊客嚟西灣,或者租咗單車都可以踩過嚟。

Heima Heima 地址

↓撳個廣告可以支持大兄台繼續寫作↓