不知道大家是做用哪一款串流app聽歌呢？Apple Music? KKbox?Spotify? 定係本地嘅moov呢？由一路用開kkbox轉會到apple music再轉會到moov嘅我嚟計，moov嘅音樂質素係最好嘅，而最新版本嘅moov更加支援24bit格式，再次拉開同其他對手嘅距離。
↓撳個廣告可以支持大兄台繼續寫作↓
睇番App Store嘅相片可以知道最新嘅更新係多咗flac格式歌曲，就算用戶冇用開特定app嚟聽flac格式歌曲，只要打開moov就可以聽到高質素嘅歌曲喇。
睇番更新左之後，喺下載歌曲嘅格式入面，原本標示為hi-fi嘅選項改左做16-bit，而下面就多咗24-bit嘅選項，可以睇到24-bit歌曲一首容量可以達到50-200mb，對手機嘅容量都係一個挑戰。
喺已下載歌曲入面可以睇到如果歌曲支援16-bit，喺右邊會有標示，但係24-bit歌曲呢？
原來到2020年6月30日之前，都係csl/1010用戶限定，可惜Raven唔係用緊貴台，冇得體驗到音質嘅提升住。
喺最新嘅版本，喺支援16-bit/24-bit音樂嘅Album度會有標示，點擊圖示會題示歌曲係嚟自唱片公司嘅音樂品質。
而用戶可以去番「已下載歌曲」入面，點擊「更多」入面嘅「重新下載」將原本已經有嘅歌重新下載，如果歌曲支援更高音質，只要設定咗下載嘅音樂係16-bit，之後就會換成16-bit版本。
最後，可能大家用緊歌庫最強大嘅kkbox，又有可能係用緊啲歌成日下左架嘅apple music，又可能用緊其他app聽歌，但都希望大家支持正版音樂，同埋揀一個真正適合自己需求嘅app聽歌。
Trending
↓撳個廣告可以支持大兄台繼續寫作↓