喺景福宮、三清洞附近就係首爾其中一個人氣景點：北村韓屋村，除咗喺傳統韓屋入面食飯飲咖啡，仲有一間好值得大家去試嘅茶室「喝茶的庭院」，韓屋設計同環境一樣古色古香，加上提供比較典雅嘅茶飲點心，比起唔同cafe有另一番嘅感受。
喝茶的庭院 環境
平時去一啲由韓屋改造嘅餐廳或者cafe，好少遇到有大大塊玻璃，景觀咁開揚嘅環境。而喝茶的庭院仲有一邊係望住山景，視角更加廣闊，不過好彩先坐到嗰邊座位…呢間茶室嘅座位唔多，同時可能只係serve到20位客人，如果5人以上入座一定要預先訂位，1-4人就可以喺門口排隊等安排座位。
多款茶嘅選擇
雖然今次我哋只係影咗兩頁，其實menu入面仲有好多唔同嘅茶，由韓國茶、日式茶、中式茶都有，部份熱茶仲會有侍應過嚟幫你沖泡。
大家可以Follow喝茶的庭院嘅Instagram，可以睇到更多相片。
今次我哋叫咗一凍一熱嘅飲品，呢度都提提大家喺韓國飲一啲凍嘅花茶，好似比較容易叫到洛神花茶。而熱嘅呢杯就五味子加檸檬，味道都唔錯。
如果想喺首爾旅行時畀錢方便啲，記得睇WowPass預付卡教學！
喝茶的庭院 位置
