Apple早前就被發現Safari有多個安全性問題，可以令用戶嘅個人資料被不法份子盜取，甚至喺設備入面加裝後門，所以今次iOS15.3主要就係修復各種相關嘅安全問題，注重網絡安全嘅香港人又點可以唔即刻更新呀!?
iOS15.3 更新內容
今次iOS15.3嘅更新修復咗足足10個安全問題，當中最主要係同fingerprintjs公佈IndexedDB同iOS15入面相關嘅。
如果用戶仍然用緊iOS14或者更舊嘅版本就唔會受到今次影響，但係iOS15嘅用戶就需要留意，全球唔少網站都會利用到IndexedDB嚟紀錄用戶資料同瀏覽紀錄，不過之前就被發現Safari15入面存在一個問題，令不法份子有能力透過一個bug閱讀到用戶嘅呢啲紀錄，從而盜取你嘅個人資料。
