長洲良店：Heima Heima – 日系cafe寧靜舒服
講起長洲除咗大魚蛋同芒果糯米糍之外，唔知大家有冇搵過仲有咩地道啲嘅小店呢？今次會一連幾篇同大家分享下喺長洲嘅黃店小店，下次入長洲記得去呀！第一間同大家分享嘅係位於長洲西灣嘅一間cafe：Heima Heima。可能因為地理位置嘅優勢，呢度人流會比較少，但如果公眾假期可能都迫爆人唔出奇。但係西灣店鋪唔多，以前吸引人過嚟嘅原因好可能係張保仔洞就喺度，另外而家仲有個glamping地點。 cafe嘅環境好舒服，入到嚟會令人覺得完全唔似係長洲，間中會聽到沖咖啡嘅聲同店入面播嘅音樂聲，叫一杯咖啡同一件cake就可以好好放鬆下，呢樣先係大家放假最應該做嘅嘢！ 長洲其他黃店推介： 長洲黃店：陳通記 – 沙爹牛肉花生味超濃郁 長洲黃店：島中坊研 – 必點奄列餐飛碟餐 長洲黃店：慢活瞬間長洲粒粒雪糕 –…
荃灣良店：Diff Cafe – 小店咖啡食物都有高水準
荃灣除咗天橋真係好多，其實都仲有好多唔同嘅黃店小店，記住要分散消費，與其喺其中一間排晒長龍仲等，不如去幫襯一下人流比較少嘅小店啦！今次同大家介紹嘅Diff Cafe小店細細，但係就好值得大家去試下！除咗咖啡之外，呢度嘅食物味道都唔錯，推介大家嚟試下全素嘅經典千層麵，出面應該都冇咩地方食到㗎！小店附近比較多汽車維修嘅工房，可能大家行過嚟呢邊就要小心啲，不過周圍都乾淨唔需要擔心衛生問題。 荃灣其他黃店推介: 荃灣黃店：轉角見-又係好味漢堡包推介呀 荃灣黃店：韓閣-一間仲食到傳統韓國菜嘅韓式餐廳 Diff Cafe：食物唔錯份量唔大冇負擔 呢個牛油果醬軟殼蟹漢堡食落唔會好heavy，可能入面放咗牛油果醬同沙律菜，中和番炸軟殼蟹嘅熱氣感，味道整體都唔錯，軟殼蟹超大隻好似要喺個burger度爬出嚟咁！ 鍾意食千層麵嘅朋友一定要過嚟試下呢一個用全素嘅植物肉做嘅千層麵，除咗比較健康，味道一啲都唔會輸蝕畀用豬牛做嘅千層麵，另外跟餐仲有湯同咖啡㗎。 Diff Cafe 門外/店內…
尖沙咀良店：嘉寶漢堡 – 街坊名物高質平價Burger
講到尖沙咀有咩排隊名店，就梗係嘉寶漢堡啦！之前舊鋪已經門口排滿人，早排搬咗新鋪終於有機會再去朝聖食burger！而家餐廳大咗好多，座位都算多，而且都好乾淨，入去坐低食變咗做享受！講番呢度嘅漢堡包先，牛、豬、羊、雞、海鮮、同素漢堡都有，啲burger加埋有成20款，想試晒咁多款都唔易，但總有兩三款可以滿足到鍾意burger嘅你！仲有呢度啲小食都好正，薯格、炸燒賣、雞翼都好好味，而且呢度啲價錢超抵，可以話係CP值極高！ 一齊睇番舊鋪分享：尖沙咀黃店_超人氣排隊店_嘉寶漢堡_超多肉汁勁Juicy 其他Burger黃店推介： 荃灣黃店：轉角見-又係好味漢堡包推介呀 沙田黃店：SUPINE-特色漢堡好味CP值超高！ 屯門黃店：威威美食 – 足料手打漢堡包 嘉寶漢堡：人氣Burger多款足料CP值極高 可能有好多朋友都唔食牛，但係喺嘉寶漢堡就完全唔洗擔心，因為牛肉burger之外其實有好多選擇。就好似呢個蜜糖芥末菠蘿豬堡咁，食落去好juicy同fresh，完全唔會有油膩感。 而鍾意牛嘅朋友，呢度最多款揀嘅就係牛肉burger，有經典款亦都有啲超多肉配搭，一切都睇你嘅喜好。如果真係覺得餡唔夠多，係可以再逐樣加錢咁加入去。但係就咁已經係好大好足料㗎喇！ 嘉寶連小食都好食又抵食…
屯門良店: Fantasy Coffee-裝修之後cafe大咗坐得舒服咗!
屯門牛每日番工放工咁辛苦，放假好應該畀自己放空一下，行入去屯門碼頭搵間cafe坐半日，其實真係幾relax！今日介紹嘅呢間Cafe：Fantasy Coffee 最近裝修過，租埋隔離鋪位打通咗，cafe嘅店面足足大咗一倍，座位又多咗，坐得又舒服鬆動咗，連cake嘅選擇都多咗！另外講個秘密畀大家知，呢度除咗咖啡之外，其實仲有好多唔同類型嘅嘢飲，仲要拎咗酒牌㗎！所以有啲茶、沙冰或者mocktail可以揀！ 一杯咖啡可以慢活幾分鐘 嘆一杯咖啡，你可以坐低就咁飲，又可以帶部電腦落去涼住冷氣咁hea一個晏晝。或者你可以買一杯外賣咖啡，拎出去海邊聽住浪聲咁飲都得，不過而家30幾度c嘅天氣，建議都係留喺cafe入面好啲。 其他屯門嘅cafe黃店： 屯門黃店：籃子咖啡店-行完藍地水塘必試cafe小店 屯門黃店：隱啡-一啖咖啡一啖cake夠chill Fantasy Coffee: 咖啡之外仲有好多選擇 最近天氣都真係幾熱，如果唔想飲杯熱咖啡，叫番杯沙冰慢慢飲真係超爽，一路飲一路都有啲頭皮發麻嘅感覺。比起飲咖啡係另一種享受。…
屯門良店：牧羊少年咖啡館-餐牌轉咗要試新嘢啦
今次再去牧羊少年咖啡館打算食番之前介紹過嘅「香炒泰國香椒膏鳳尾蝦意粉」，想知係咩可以睇番上個Post，但係原來最近個Menu轉咗已經冇得食番個意粉，所以今次介紹兩款新嘅菜式，味道一如以往幾好味，大家都可以去試下！同埋記得就係Menu定期會轉，所以大家定期去就可以食到新嘢喇！今次叫咗一塊Pizza同一份意粉，兩杯飲品之外仲叫咗個Tiramisu，想知佢哋咩樣同味道點就記得睇落去喇！ 牧羊少年：日式大阪燒風味煙三文魚薄餅 今次望下Menu有幾款Pizza都想試，最後叫咗呢份「日式大阪燒風味煙三文魚薄餅」，估唔到味道比想像中好，好鍾意呢一個配搭。Pizza面可以睇到有好多木魚碎、紫菜碎，仲有一塊塊嘅煙三文魚，白色嘅醬係日式沙律醬嚟，咁呢啲味道放埋一齊都應該幾香幾唔錯。但係大家可以望下Close-up張相，有啲黃黃哋色嘅醬將成個Pizza味道提升，呢個醬就係黃芥末。 另外叫嘅意大利粉味道都幾香，不過蒜味可以再勁啲就更好。但如果同之前食過嘅「香炒泰國香椒膏鳳尾蝦意粉」比就冇咁吸引。 牧羊少年咖啡館：飲品 兩杯嘢飲入面，左面嗰杯藍莓奶酪仍然好香好Creamy好藍莓。而另一杯新試嘅係蘋果蜜桃鮮打紅茶，唔會係死甜嘅蘋果味，因為係用咗紅茶，所以味道其實幾清新，係好好飲版嘅道地蘋果味綠茶。 牧羊少年咖啡館：Tiramisu 今次比起上次去食仲叫多咗份甜品：Tiramisu，用杯嘅造型裝住咗啲Tiramisu，味道上係正常水平，而個甜品酒味道幾香，而側邊插住兩條手指餅咁嘅蛋糕仔都會有少少甜品酒味，整體都算係正常水準。如果好想食Tiramisu嘅朋友，可以睇番之前介紹過嘅另一間黃店：旺角黃店：Black Coffee_惹味意粉配一件好味Tiramisu，味道更加正！
大埔良店：廣記粥店_味道好價錢平一定要試古早味菜乾粥
唔知大家鍾唔鍾意食粥呢？定係唔好彩病咗先會去搵粥食呢？今次過咗大埔嘅傳統粥鋪兼黃店：廣記粥店 食粥，又平又好食，粥款夠多之餘，粥鋪其他必食嘅「配菜」油炸鬼、炸兩、炒麵、鹹肉粽，一樣都冇少！所以唔好諗住食粥一定唔飽！聽朋友講，呢度嘅星洲炒米都好出色㗎！大埔中心行過去都好近，踩單車想去食啲唔頂胃嘅嘢，過嚟食粥就一流啦！ 大埔踩單車必食：大埔黃店：老虎岩潮式粉麵咖啡-手打燒賣配芝牛蛋治 廣記粥店招牌：菜乾排骨粥 好少見到出面嘅粥鋪會有菜乾排骨粥，通常都係艇仔粥、及第粥、牛肉粥呢啲，而呢個菜乾排骨粥味道唔錯，啲粥底都幾夠綿，唔似落咗粉去溝粥。菜乾味都幾香幾多，幾乎每一啖都有菜乾。見到鋪頭入面有海報話呢碗菜乾粥幾十年㗎喇！ 足料艇仔粥 粥面見到好多蔥花真係正，粥入面嘅魷魚、花生、豬肉同其他料都幾多。慣咗食之前再落啲胡椒粉吊一吊味。 未落醬嘅炸兩 炸兩份量都唔惹小，腸粉皮唔會好厚啱啱好，食之前記得落齊甜醬同麻醬！ 叉燒腸粉 叉燒腸兩條加埋嘅叉燒唔多唔少，每啖都有叉燒食。 估唔到粥鋪都有得飲阿華田…
尖沙咀良店：鶴亀_良到金嘅拉麵店
今次同大家分享一下喺尖沙咀食拉麵嘅黃店：鶴亀！第一次上佢哋Facebook Page 見到佢哋真係黃到金，而佢哋都開埋MeWe Page，大家可以Follow埋。鶴亀嘅店鋪位置算係近iSquare，小店細細，同一般拉麵鋪咁坐得都算舒服唔會迫，店員都好Nice好親切。食物方面，今次叫咗一碗辛辣豚骨拉麵、特濃豚骨沾麵、日式煎餃子、章魚小丸子，味道整體OK，唔算係好突出，但勝在小店定期課金去幫同路人，所以體驗係更高嘅。 辛辣豚骨拉麵 以拉麵嘅選擇嚟計，總共有6款拉麵，分別係：海老帆立貝拉麵、櫻花蝦拉麵、辛辣豚骨拉麵、豚骨拉麵、鹽味雞湯拉麵、素食醬油麵。拉麵麵條可以揀軟硬度，配料可以揀番要唔要蔥/竹荀。湯底味道都幾香幾夠味，今次叫咗嘅辛辣豚骨拉麵揀中辛，辣度可以再辣少少。而叉燒足足有3大塊算係幾大方，唔會係啲腌咗好濃嘅味道。 特濃豚骨沾麵 沾麵方面，我哋可以揀番麵條係凍/熱，今次係揀咗熱嘅。另外同拉麵一樣係可以揀番軟硬度，配料可以揀番要唔要蔥/竹荀。味道方面比起拉麵，沾麵湯係比較濃稠，杰身少少，所以湯都會比較掛身，味道都會比較濃。 其他拉麵店推介 九龍灣黃店：一生懸麵-值得一試嘅拉麵小店 一生懸麵Facebook 銅鑼灣黃店-行到入大坑食超正拉麵-凪豚骨拉麵…
旺角良店：Black Coffee_惹味意粉配一件好味Tiramisu
繼上次同大家食過牧羊少年咖啡館嘅泰式辣椒膏炒意粉之後，就好想搵到一間都有呢種東南亞風味嘅意粉，所以就襯住嚟到旺角去試另一間黃店：Black Coffee。喺鋪頭外面排隊嘅時候，可以望到餐廳天花板嗰一張好大嘅黑旗。而食物方面，今次總共叫咗兩份意粉同一件Tiramisu。意粉雖然冇牧羊嗰份咁驚艷，但係今次兩份意粉味道都唔錯。最後嘅甜品成為今次最後畫龍點睛嘅重要部份。 泰色雞肉意粉 (不負責翻譯) 其實餐牌都係寫英文，所以菜色名Raven親自翻譯一下。呢份泰色雞肉意粉係有少少青咖哩嘅味道，味道都吸引，不過略嫌意粉煮得唔夠乾身，仲有少少汁喺底，口感上有少少失望。 黑蒜大蝦炒意粉 (不負責翻譯) 呢份黑蒜大蝦炒意粉味道都好香，食落黑蒜味都夠濃。加埋唔少洋蔥碎令到食嘅時候，除咗口感增加，連味道都會更加香。比起上面提到嘅泰色雞肉意粉更加值得推薦。但係如果要推介，Raven都係會推介牧羊少年。 Dirty Tiramisu 今次嚟Black Coffee冇試到咖啡，但係試咗佢個Dirty…
