太子良店：芳華絕代-型格環境食泰國菜

今次嚟太子本身係想食新川嘅米線同炸雞翼，點知咁啱佢冇開，所以就過嚟芳華絕代度食嘢。今次食咗兩碗泰國船麵，一碗係平日經常食到嘅牛肉版，另一碗係潮式口味版本，兩碗湯底一樣香濃好味，加上同樣有大量蔥同芫茜，所以除咗肉味濃郁之外，味道更加香。而潮式船麵有咩特別呢？除咗有有潮州白魚蛋之外，仲有墨丸同豬肉丸(貢丸)，啱晒唔食牛嘅朋友。而餐廳嘅裝修有別於平時食開嘅泰國餐廳，會比較似係酒吧，而餐廳其實真係有唔同酒飲，唔會見到泰皇張相，唔會見到傳統泰國裝飾物。