觀塘黃店:天園餃子-皮薄餡靚嘅好味水餃

觀塘餃子 天園餃子 真正皮薄餡靚嘅好味水餃 11

嚟拜訪觀塘老母除咗體驗下塞爆駿業里,其實都有唔少好食嘅餐廳值得大家塞過嚟試下嘅!今次同大家分享嘅係近觀塘住宅區嗰邊嘅,係一間食水餃嘅餐廳:天園餃子。呢度嘅水餃,全部都係即日包,水餃皮造得好薄身,水餃餡都好多選擇,而辣菜甫都好香又夠辣,加埋一齊食都幾惹味!如果唔想去觀塘,其實土瓜灣同旺角都有分店嘅,下次想食水餃又多個選擇!

↓撳個廣告可以支持大兄台繼續寫作↓

天園餃子: 重量級餃子套餐(10隻水餃+小食) $56

天園餃子: 白胡椒雜菌豬肉餃
天園餃子: 白胡椒雜菌豬肉餃
天園餃子: 藥膳醉雞翼
天園餃子: 藥膳醉雞翼

如果一心想食餃子,可以叫個重量級套餐,一次過食10隻水餃,仲可以食多一款小食。上面嘅白胡椒雜菌豬肉餃,食落去胡椒味好濃好香,帶有少少辛辣嘅味道,但完全唔係辣嘅,所以唔食得辣嘅朋友都可以試下。水餃皮好薄身,而且口感完全唔覺得厚粉,亦都唔會好有粉味!而湯底係比較簡單嘅清湯,配上濃味水餃都幾好,唔會搶咗個味。而醉雞翼味道都唔錯,而且有3隻,以小食嘅數量嚟講都算多,每隻雞翼上面有一粒杞子,都係浸到好有藥味。

天園餃子: 輕量級餃子套餐(5隻水餃+小食) $48

天園餃子: 韭菜豬肉餃
天園餃子: 韭菜豬肉餃
天園餃子: 椒鹽茄子
天園餃子: 椒鹽茄子

而韭菜豬肉餃味道都唔錯,雖然呢度水餃嘅size唔算大粒,但係因為個皮夠薄身,個餡食落唔會覺得話唔夠多。如果想飽肚啲,當然建議大家叫個重量級套餐啦!而椒鹽茄子都應該係即叫即炸,上碟嘅時候熱辣辣,不過椒鹽味就唔算好夠,唔夠惹味,不過口感就係外脆內軟嘅!

天園餃子: 自家辣菜甫

天園餃子: 自家辣菜甫
天園餃子: 自家辣菜甫

每一間好味嘅水餃鋪都有自己嘅菜甫,呢度都唔例外。而天園餃子嘅辣菜甫味道好香濃,辣味亦都好出,配上濃味或者淡味嘅水餃都好夾,加上呢度湯底本身味道都夠清,所以個菜甫就可以調番更刺激嘅味道。鍾意食辣嘅朋友可以試下,食唔到辣嘅朋友就最好淺嘗喇!

天園餃子餐牌+餐廳相片

天園餃子地址

其他好味水餃/餃子推介

↓撳個廣告可以支持大兄台繼續寫作↓