大埔良店:Homeland-色香味都高分嘅西餐小店
大埔好多黃店小店，無論想食日本菜、串燒、廣東粥、熱狗都好多選擇，而之前去過老虎岩記得隔離有間西餐，最後就過咗嚟Homeland (FB , IG)食晚餐。唔好睇呢度鋪仔細細咁，原來有2層㗎！如果見到下層好似坐滿人，都唔好怕醜，試下問下店員有冇位，可能上層有位㗎！今次叫咗一份煎牛肩扒同川味海蝦闊條麵，仲叫咗一份味道好特別嘅雞翼，整體味道都好突出，即刻睇下相先！ 大埔其他黃店：Blue House-家庭式日式西餐 老虎岩潮式粉麵咖啡-手打燒賣配芝牛蛋治 共度一燒-都係露天食串燒有風味啲 廣記粥店-味道好價錢平一定要試古早味菜乾粥 Homeland-香煎美國安格斯牛肩膀扒 呢塊牛肩膀扒都幾大份，但係最正係佢真係煎得好好食，係最近食過幾間味道最好嘅一間。今次叫咗5成熟，送到過嚟即刻食，牛肉嘅口感唔會好硬好乾，吸落去仲會有少少油滲出嚟咁，而主要調味都係簡單鹽味，所以可以食到幾濃嘅牛味。而薯菜方面，薯蓉會有啲薯仔粒，口感唔錯又夠Creamy。 Homeland-川味海蝦闊條麵…
觀塘良店:The Artlab by Favilla-高質工廈日本菜
今次同女朋友去咗觀塘一間環境唔錯，食物質素幾高嘅日本菜食晚餐：The Artlab by Favilla。呢度嘅裝修主要都係比較日系，用上好多木枱木櫈，所有嘢都好簡潔。而食物方面都幾多唔同類型嘅選擇，今次因為係食晚餐，就冇試到佢哋嘅All Day Breakfast，而係叫咗一份「百里香春雞」同「慢煮封門牛柳定食」，兩樣食物嘅味道都畀到驚喜，冇諗到由擺盤、到食物味道，都做得好好。如果要去觀塘食飯，推介大家要嚟試下！ 觀塘其他黃店：觀塘黃店：The Hunt ＆ Coffee Roastery-高質有驚喜西餐 意粉同甜品都好味…
銅鑼灣Ramen Nagi凪拉麵-可能係香港最好味嘅拉麵!
利申我本身唔係特別鍾意食拉麵，但係如果講香港最好味嘅拉麵店，我會推介銅鑼灣嘅 Ramen Nagi 凪拉麵，舖位喺銅鑼灣渣甸坊啲排檔附近，比起以前大坑舊鋪細少少，但係拉麵味道仍然咁好食！雖然部分店員冇再喺度做，但係每次去都會遇到香港最有禮貌最友善嘅店員！如果鍾意食拉麵一定要嚟試下! 17/1/23 更新：佢哋每日賣晒拉麵都會喺FB/IG出Story提醒顧客，唔想摸門釘記得Follow 佢哋嘅 Facebook 同 Instagram喇！ 2023年1月限定拉麵：蕃茄櫻花蝦拉麵 今次限定拉麵個蕃茄湯幾濃厚，帶少少蝦味之餘，拉麵上面仲有京蔥同牛小排，牛肉烤得超香超濃超軟熟，疊住牛肉嘅特粗拉麵仲會吸埋啲牛肉味超正！提提大家所有限定拉麵都冇得自訂湯嘅鹹度、濃厚度、拉麵硬度等，全部都會由廚師決定。…
觀塘良店：The Hunt ＆ Coffee Roastery-高質有驚喜西餐 意粉同甜品都好味
喺觀塘一眾工廈之中，每次食lunch經過都會畀呢度咁eye catching 嘅藍色外牆吸引咗，今日終於有機會一試。今次介紹畀大家嘅係The Hunt ＆ Coffee Roastery，地方都幾寬敞，坐得舒服之餘仲有落地大玻璃，店內店外嘅裝修絕對係打卡嘅好去處。之前一直都心思思都食呢度嘅Signature Tiramisu ，估唔到原來佢哋嘅主菜都一樣好味。 The Hunt ＆…
長洲良店：長洲角酪 – 飲乳酪之餘可以幫襯寄賣良店
第5間要分享畀大家嘅長洲黃店小店係長洲角酪，講起對上一次去長洲，其實就係佢哋試業嗰陣，原來咁就兩年喇！但係幫襯嘅人真係越嚟越多，乳酪仍然都係咁好飲，而且仲有啲茶/梳打做底嘅乳酪飲品。如果你係長洲居民，成日都會去幫襯嘅話，仲可以搵小店幫你keep住隻杯。而且入面都有唔少黃店寄賣，等緊嘢飲不妨睇下有冇嘢啱買。另外都可以follow佢哋Facebook，有啲新update可以隨時知。 其他長洲黃店推介 長洲黃店：Heima Heima – 日系cafe寧靜舒服 長洲黃店：陳通記 – 沙爹牛肉花生味超濃郁 長洲黃店：島中坊研 – 必點奄列餐飛碟餐…
長洲良店：慢活瞬間長洲粒粒雪糕 – 食物全部即叫即煮仲有粒粒雪糕食
第4間同大家分享嘅長洲小店個名好長：慢活瞬間長洲粒粒雪糕，喺Google地圖入面嘅店鋪位置應該係錯嘅，下面會貼番個地圖畀大家。今次去見到成間餐廳得老細一個人負責晒所有嘢，嘢食都係即叫即煮，食物主要係唔同配搭嘅All Day Breakfast同三文治，而食飽最正係食埋粒粒雪糕！市區都好少地方食得到㗎喇！但係鋪頭細細，如果老細放假可能大家去到會摸門釘，所以可以留意下佢嘅Facebook。 長洲其他黃店推介： 長洲黃店：Heima Heima – 日系cafe寧靜舒服 長洲黃店：陳通記 – 沙爹牛肉花生味超濃郁 長洲黃店：島中坊研…
長洲良店：島中坊研 – 必點奄列餐飛碟餐
今次為大家介紹第三間長洲嘅黃店係島中坊研，有一樣值得同大家分享下，佢哋唔只係cafe嚟，佢哋有一班設計師，會將產品放去長洲東灣嗰度嘅分店賣，有唔少衫褲袋，而餐廳同鋪頭都有消費儲印仔，可以去餐廳免費升級飲品或者換焦糖布丁，大家可以留意一下。而講番餐廳呢，啲食物雖然睇落簡單，但係味道其實真係唔錯，而且設計師得閒會整下蛋糕，如果遇著佢哋整咗特別嘅cake記得要試下！ 島中坊研網店連結：Link 長洲其他黃店推介： 長洲黃店：Heima Heima – 日系cafe寧靜舒服 長洲黃店：陳通記 – 沙爹牛肉花生味超濃郁 長洲黃店：慢活瞬間長洲粒粒雪糕 –…
長洲良店：陳通記 – 沙爹牛肉花生味超濃郁
長洲第二間同大家分享嘅黃店係陳通記，位置喺長洲碼頭附近嘅熟食中心，千祈唔好打算行入街市呀，並唔喺街市入面㗎！陳通記就喺個熟食中心比較中間嘅位置，所以大家無論邊度行入去都要望清楚，仲有記得唔好行到隨便坐低，好有機會坐錯隔離鋪頭嘅位，最好搵店員畀個位你就最好！坐低記得叫碗沙爹鮮牛麵，兩餸三餸就悉隨尊便喇，聽講雞翼都係幾好味！呢度嘅沙爹湯好濃，聞落已經好香，食落仲會有啲花生碎，口感味道都一流！ 長洲其他黃店推介： 長洲黃店：Heima Heima – 日系cafe寧靜舒服 長洲黃店：島中坊研 – 必點奄列餐飛碟餐 長洲黃店：慢活瞬間長洲粒粒雪糕 – 食物全部即叫即煮仲有粒粒雪糕食…
