相信茶記係香港人最常食嘅餐廳，但係近年茶記都要美化到唔似係一間茶記，而喺沙田瀝源邨超黃茶樓隔離其實仲有一間舊式嘅屋邨茶記：榮樂茶餐廳，裝修好似停留咗喺90年代電影畫面咁，餐廳門口亦都坐咗唔少食客，食客同餐廳店員有傾有講，常餐嗰頭寫完，轉頭就做好送到嚟，茶記賣嘅正正就係呢種速度同情懷。可惜而家有啲人追求茶記要有西餐廳嘅裝修同擺設，無奈… 最愛嘅常餐個公仔麵係福麵，唔洗加錢㗎，跟餐個包仲可以加錢轉做菠羅包/多士。
榮樂茶餐廳：傳統港式味道
初頭以為常餐個公仔麵會係啲大光麵，問店員有冇得轉做出前一丁竟然冇，原來佢哋係用福麵嘅。沙嗲牛肉都幾香濃，食得出係自己調味，唔係罐頭嘢。餐包本身想轉做菠羅包，可惜賣晒，唯有轉烘底多士啦。火腿奄列個蛋炒得唔錯，略嫌入面啲火腿唔夠多。最後睇埋個裝修，雖然係舊，但係完全唔會覺得污糟！
榮樂茶餐廳-沙田黃店 
榮樂茶餐廳-沙田黃店 
榮樂茶餐廳-沙田黃店 
榮樂茶餐廳-沙田黃店 
榮樂茶餐廳-沙田黃店 
榮樂茶餐廳-沙田黃店 
榮樂茶餐廳-沙田黃店 
榮樂茶餐廳-沙田黃店