7

六樓後座冰室:好似穿越左番去80年代

7 1

Raven今次上網搵到一間舊式公屋茶樓設計裝潢嘅茶餐廳:六樓後座冰室。位置嚟講其實就喺淘大花園再行多10分鐘就會搵到個商場。咁間餐廳位置都算係商場比較入嘅位置,所以沿路行入去都要行多幾步喇!

↓撳個廣告可以支持大兄台繼續寫作↓

8


初頭以為只係間茶餐廳裝修特別啲,一路由商場外面行過去,先發現原來連個商場設定同裝潢都係擺到明懷舊。

1

六樓後座冰室個水吧位,佢天花特登油上嗰種綠綠藍藍嘅色,十足十石板街會見到嘅茶檔。

2

餐廳門口擺左啲枱櫈,幾似72家房客年代嘅擺設。

4

如果想撥個輪去叫外賣,唔好意思,呢部電話冇插電話線嘅…

3 1

舊鐵閘舊信箱,扮得都似模似樣架!

5

舊式旅行喼上面再放左舊電視機同打字機,好似番番去細個嘅時候咁。

6

唔知呢款鬧鐘仲有冇人用呢,咁樣響法真係成屋人都俾佢嘈醒埋。

16

望番入餐廳,食客坐嘅枱櫈都似舊樓樓,圓枱木櫈。正中間嗰面主題牆係全間茶餐廳嘅靈魂!佢扮緊由室內望出窗見到香港舊屋村:南山村!頓時覺得自己係坐喺2樓。

15

講番今次食左啲咩先,其實周末lunch時間去,人流唔多,行到就可以直接入去坐低喇。同行三個人分別叫左三個唔同嘅食物,一係福建炒飯,二係陳皮鴨腿湯飯,三係雞扒腸仔鮮茄撈丁。

19

呢碟福建炒飯幾足料,蝦同魷魚都唔少,份量都幾足。另外有切左丁嘅翠玉瓜同紅蘿蔔增加口感。味道方面,同行朋友話味道都幾好咁。

20

Raven自己叫左嚟食嘅係鴨腿湯飯,佢飯同鴨腿湯本身分開上,咁食嘅時候逐啲飯咁放入去個湯度食都得嘅。個湯入面除左鴨腿,仲有蘿蔔、紅蘿蔔、冬菇、陳皮同芫茜。味道方面個湯聞落幾香,有陳皮同芫茜香味,咁食落口所有配料都夠味道,蘿蔔仲好入味。鴨腿嘅肉質都好淋。不過有樣野,食食下就會發覺呢一個湯一定落左味精,因為越食就越口乾,食完離開埋餐廳都持續口乾左一段時間…

21

最後係呢碟螢光色汁望落真係嚇死人嘅就係雞扒腸仔鮮茄撈丁。佢同近年興起嘅鮮茄類食品完全唔同,佢真係有種番去以前嘅感覺,螢光色嘅外表,真係食到有蕃茄味,唔係普通用茄膏茄汁溝出嚟。個麵亦都冇嗰種淥左好耐再拎去撈嘅感覺,似係點完菜之後煮出嚟撈,條麵仲有咬勁,仲彈牙。雞扒煎得唔會太較,腸仔似係廚師腸。

17

最後值得一提係服務員都好有禮貌,食物味道可能唔係呢間餐廳最有賣點,但係坐喺一間懷舊設計嘅茶餐廳,風味真係其他茶餐廳俾唔到嘅。大家有興趣都可以去感受一下~

↓撳個廣告可以支持大兄台繼續寫作↓